يمه لا تونين ولا تعتبين من شريط آدم ونوح...

يمه ماريدج تونين وتعتبين
يمه كل أعمارنا فدوه للحسين



يمه ادري بفركتي غايب دليلج
وعلي حالي بكربلا منهدم حيلج
لجن هذا اليوم راح أشفي غليلج
يمه وعيونج تقر يا قرة العين
من ابويه المجتبى عندي وصيه
انصر المظلوم بارض الغاضرية
روحي يا يمه اقدمها هديه
للحسين وانصر با لطف كربلا الدين



يمه ماريدج تونين وتعتبين
يمه كل أعمارنا فدوه للحسين




يمه ذات ابويه المجتبى يا يمه ذاتي
ومن صفاته الزاكية صارن صفاتي
اليوم اقدمها لبو اليمه حياتي
وارد اسجل درس خالد للمسلمين
حسين عمي والدي وهو امامي
شلون اعوفنه وحيد بهل المرامي
بعرسي هذا اليوم خل تفرح عمامي
ولو يا يمه عمامي وياي ماشين



يمه ماريدج تونين وتعتبين
يمه كل أعمارنا فدوه للحسينهذا عمي هذا عمي




حسين أبن جدي الصميده
تروح كل أرواحنا فدوه لوريده
يمه من دونه العمر لا ما اريده
هل العمر مايسوى من دون الميامين
ادري لج يا يمه من زمان راده
اريدج تزفيني لعرس السعادة
لجن عرسي بكربلا عرس الشهادة
وثوب لسنج هاذ لايك الي هل الحين



يمه ماريدج تونين وتعتبين
يمه كل أعمارنا فدوه للحسين



تظل معلوكه بفخر يمه شمعة شبابي
ابد ما تطفى وتظل تضوي بغيابي
اصبري يا يمه على لوعة مصابي
ولا تلجمين القلب لمن تونين


ونسألكم الدعاء من القلب بتعجيل الفرج وبراءة الذمة...
فردوس الحب غير متواجد حالياً أضافة تقييم إلى فردوس الحب أعطي فردوس الحب مخالفة تقرير بمشاركة سيئة رد مع اقتباس